បាត់ដំបង៖ នាព្រឹកថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦, លោកស្រី ហេង សុទិនី អនុប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ច​ប្រជុំផ្សព្វផ្សាយស្តីពីការដាក់ឱ្យអនុវត្ត "កិច្ចព្រមព្រៀងសាជីវកម្មសម្រាប់មុខចំណាយជួលទីតាំងរៀបចំវគ្គបណ្ដុះបណ្ដាល កិច្ចប្រជុំ សិក្ខាសាលា និងសន្និសីទ ចំណាយទិញសំបុត្រយន្តហោះ និងចំណាយជួសជុលរថយន្ត" និង "សេចក្ដីណែនាំស្ដីពីការអនុវត្តកិច្ចព្រមព្រៀងសាជីវកម្មសម្រាប់ផ្ទៃក្នុងក្រសួងសេដ្ឋកិច្ចនិងហិរញ្ញវត្ថុ" តាមរយៈ Video conference system (ZOOM ) នៅសាលប្រជុំតូច នៃមន្ទីរសេដ្ឋកិច្ច និងហិរញ្ញវត្ថុខេត្ត៕

បាត់ដំបង៖ នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ នៅសាលប្រជុំ EOC មន្ទីរសុខាភិបាលខេត្ត, លោកស្រី ស៊ឹង ពៅរតនាមុនី ប្រធានការិយាល័យ ស្ថិតិ និងសេដ្ឋកិច្ចមូលដ្ឋាន ព្រមទាំងមន្ត្រីជំនាញ ០១រូប នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំពិភាក្សាការងារគ្រប់គ្រងម៉ាស៊ីនផលិតអុកស៊ីសែនជាមួយក្រសួងសុខាភិបាលរដ្ឋបាលខេត្ត និងអង្គការ CHAI” នៅសាលប្រជុំ EOC មន្ទីរសុខាភិបាលខេត្ត ក្រោមអធិបតីភាព ឯកឧត្តម ទិន សារ៉ាវុធ អភិបាលរង នៃគណៈអភិបាលខេត្ត៕

បាត់ដំបង៖ នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦, លោកស្រី ហេង សុទិនី អនុប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំត្រៀមរៀបចំសិក្ខាសាលាពង្រឹងសមត្ថភាពជូនថ្នាក់ដឹងនាំ និងមន្ត្រីសេដ្ឋកិច្ច និងហិរញ្ញវត្ថុរាជធានី-ខេត្ត លើការពិនិត្យ និងផ្តល់យោបល់លើការផ្តល់ការលើកទឹកចិត្តក្រោមយន្តការអនុគណៈកម្មាធិការវិនិយោគរាជធានី-ខេត្ត តាមរយៈ Video conference system (ZOOM ) នៅសាលប្រជុំតូច នៃមន្ទីរសេដ្ឋកិច្ច និងហិរញ្ញវត្ថុខេត្ត៕

បាត់ដំបង៖ នាព្រឹកថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦, មន្ទីរសេដ្ឋកិច្ច និងហិរញ្ញវត្ថុខេត្តបាត់ដំបង បានរៀបចំកិច្ចប្រជុំស្តីពីការពិនិត្យ​ ផ្គូរផ្គង​ និងវាយតម្លៃ​លើការរៀបចំ​ និងការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ​ (តារាងកើនឡើង​ និងថយចុះនូវទ្រព្យសម្បត្តិរដ្ឋប្រចាំឆ្នាំ២០២៥)​ របស់រដ្ឋបាលខេត្ត​ ក្រុង-ស្រុក​ ឃុំ-សង្កាត់​ និង​មន្ទីរ-អង្គភាពថ្នាក់មូលដ្ឋាននៃក្រសួង-ស្ថាប័ន​ ក្រោមអធិបតីភាព ឯកឧត្តម ស្រេង ហុង អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម សុខ លូ អភិបាល នៃគណៈអភិបាលខេត្ត និងលោក ផាន់ មករា ប្រធាននាយកដ្ឋានសារពើភណ្ឌទ្រព្យសម្បត្តិរដ្ឋ នៃអគ្គនាយកដ្ឋាន ទ្រព្យសម្បត្តិរដ្ឋ និងចំណូលមិនមែនសារពើពន្ធ នៃក្រសួងសេដ្ឋកិច្ច និងហិរញ្ញវត្ថុ ។ កិច្ចប្រជុំនេះដែរ ធ្វើឡើងនៅសាលប្រជុំអគារE សាលាខេត្ត​បាត់ដំបង និងមានការអញ្ជើញចូលរួមពីតំណាងប្រតិភូ នៃក្រសួងសេដ្ឋកិច្ច និងហិរញ្ញវត្ថុ, លោក លោកស្រី តំណាងមន្ទីរ-អង្គភាពថ្នាក់មូលដ្ឋាននៃក្រសួង-ស្ថាប័ន និងលោក លោកស្រី អភិបាល នៃគណៈអភិបាលក្រុង-ស្រុកទាំង១៤, លោក លោកស្រី មេឃុំ ចៅសង្កាត់ទាំង១០៣ ក្នុងខេត្តបាត់ដំបងផងដែរ៕

បាត់ដំបង៖ នាព្រឹកថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦ នៅសាលប្រជុំសាលាខេត្ត, លោក ប៉ោទ្រី ឌឿន ប្រធានមន្ទីរ និងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមពិធីថ្វាយព្រះពរព្រះមហាក្សត្រក្នុងឱកាសចម្រើនព្រះជន្មគម្រប់៧៣យាងចូល ៧៤ព្រះវស្សា ក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង។ ពិធីនេះដែរ បានធ្វើឡើងនៅសាលប្រជុំសាលាខេត្តបាត់ដំបង និងមានការអញ្ជើញចូលរួមពីមន្រ្តីរាជការ កម្លាំងប្រដាប់អាវុធ សាស្រ្តាចារ្យ លោកគ្រូ អ្នកគ្រូ យុវជន និស្សិត និងសិស្សានុសិស្សផងដែរ៕

បាត់ដំបង៖ នាព្រឹកថ្ងៃទី១១-១៣ ខែឧសភា ឆ្នាំ២០២៦, លោក ប៉ោទ្រី ឌឿន ប្រធានមន្ទីរ និងសហការី នៃមន្ទីរសេដ្ឋកិច្ច និងហិរញ្ញវត្ថុខេត្តបាត់ដំបង បានចូលរួមវគ្គបណ្ដុះបណ្ដាល និងវិក្រឹតការស្ដីពី វិធាននិងបទប្បញ្ញត្តិ ស្ដីពីលទ្ធកម្មសាធារណ: ជូនមន្ទីរសេដ្ឋកិច្ច និងហិរញ្ញវត្ថុរាជធានី-ខេត្ត ក្រោមអធិបតីភាព ឯកឧត្តម ស្រេង ហុង អភិបាលរង នៃគណៈអភិបាលខេត្តបាត់ដំបង និងឯកឧត្តម ពេជ្រ សម្បត្តិ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារ កសាងសមត្ថភាពរបស់ក្រសួងសេដ្ឋកិច្ច និងហិរញ្ញវត្ថុ។ វគ្គបណ្តុះបណ្តាលនេះដែរ ប្រព្រឹត្តទៅរយ:ពេល៣ថ្ងៃ ចាប់ពីថ្ងៃទី១១~១៣ ខែឧសភា ឆ្នាំ២០២៦ នៅសណ្ឋាគារស្ទឹងសង្កែ ទីរួមខេត្តបាត់ដំបង និងមានការអញ្ជើញចូលរួមពី លោក លោកស្រី តំណាងមន្ទីរទាំង ២៥រាជធានី-ខេត្ត សរុប ១០០នាក់ ផងដែរ៕

នាព្រឹកថ្ងៃទីសុក្រ ៧រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦, លោកស្រី ស៊ឹង ពៅរតនាមុនី ប្រធានការិយាល័យស្ថិតិ និងសេដ្ឋកិច្ចមូលដ្ឋាន នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំត្រួតពិនិត្យសេចក្តីព្រាងរបាយការណ៍ស្តីពីការអនុវត្តការងាររបស់រដ្ឋបាលខេត្តប្រចាំខែមេសា ឆ្នាំ២០២៦ នៅសាលប្រជុំ B2 សាលាខេត្តបាត់ដំបង ក្រោមអធិបតីភាព លោកជំទាវ កែវ ដាណា អភិបាលរង នៃគណៈអភិបាលខេត្ត៕

ខេត្តបាត់ដំបង៖ នាព្រឹកថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦, លោក យក់ រិទ្ធិយា ប្រធានការិយាល័យលទ្ធកម្មសាធារណៈ ព្រមទាំងអនុប្រធានការិយាល័យ ០១រូប នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំចុះពិនិត្យវាយតម្លៃគម្រោងមូលនិធិស្រុកប្រគល់-ទទួលការងារជួសជុលផ្លូវបេតុងអាមេ ០១ខ្សែ ប្រវែង ០.៤៨៥ គ.ម ស្ថិតនៅឃុំបឹងរាំង ស្រុកកំរៀង ខេត្តបាត់ដំបង៕

ខេត្តបាត់ដំបង៖ នាព្រឹកថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦, លោក ប៉ោទ្រី ឌឿន ប្រធានមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមអមដំណើរ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង អញ្ជើញជាអធិបតីក្នុងពិធីអបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា ក្រោមប្រធានបទ រួមគ្នាកសាងភាពធន់ដើម្បីការងារសមរម្យ។ ពិធីនេះដែរ ធ្វើនៅបរិវេណក្រុមហ៊ុនបាត់ដំបង ខនស៍ ស៊ីមេន ខមភេនី លីមីធីត ស្ថិតក្នុងស្រុករតនមណ្ឌល ខេត្តបាត់ដំបង និងមានការចូលរួមពីថ្នាក់ដឹកនាំមន្ទីរ អង្គភាព និងតំណាងកម្មករនិយោជិតយ៉ាងច្រើនកុះករ៕

ខេត្តបាត់ដំបង៖ នាព្រឹកថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦, មន្ទីរសេដ្ឋកិច្ច និងហិរញ្ញវត្ថុខេត្ត បានរៀបចំកិច្ចប្រជុំជាមួយក្រុមការងារប្រព័ន្ធ FMIS និងមានការសម្របសម្រួលដោយ លោក ព្រំឈឹម ធនុ អនុប្រធានមន្ទីរ ព្រមទាំងមន្ត្រីជំនាញ នៃមន្ទីរសេដ្ឋកិច្ច និងហិរញ្ញវត្ថុខេត្ត ដើម្បីក្រុមការងារប្រព័ន្ធ FMIS ចុះពិនិត្យផ្នែកសុវត្ថិភាព និងថែទាំឧបករណ៍សម្ភារៈបច្ចេកវិទ្យាព័ត៌មាន និងមិនមែនបច្ចេកវិទ្យាព័ត៌មានរបស់គម្រោង FMIS ដោយធ្វើបច្ចុប្បន្នភាព FMIS-Email និង Trend Micro Vision One៕

ស្រុកបវេល ខេត្តបាត់ដំបង៖ នាព្រឹកថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦, លោក ឆឹង បូរិន ប្រធានការិយាល័យទ្រព្យសម្បត្តិរដ្ឋ និងចំណូលមិនមែនសារពើពន្ធ នៃមន្ទីរសេដ្ឋកិច្ច និងហិរញ្ញវត្ថុខេត្ត ព្រមទាំងមន្ត្រីជំនាញ ១រូប បានសហការណ៍ជាមួយរដ្ឋបាលខេត្ត ចុះត្រួតពិនិត្យការអនុវត្តកិច្ចសន្យា សៀវភៅបន្ទុកផ្សារអំពិលប្រាំដើម ស្រុកបវេល ខេត្តបាត់ដំបង៕

បាត់ដំបង៖ នាព្រឹកថ្ងៃច័ន្ទ ១១កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦, លោកស្រី ហេង សុទិនី អនុប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមកិច្ចប្រជុំផ្សព្វផ្សាយស្តីពី "ក្របខណ្ឌគតិយុត្តពាក់ព័ន្ធនឹងកាអនុវត្តកិច្ចលទ្ធកម្មសាធារណៈ ជូនអង្គភាពថវិកាអាណាប័កផ្ទេរសិទ្ធិពេញលេញក្រោមឱវាទក្រសួងសេដ្ឋកិច្ច និងហិរញ្ញវត្ថុ" តាមរយៈ Video conference system (ZOOM ) នៅសាលប្រជុំតូច នៃមន្ទីរសេដ្ឋកិច្ច និងហិរញ្ញវត្ថុខេត្ត។ កិច្ចប្រជុំផ្សព្វផ្សាយនេះដែរ​ មានការអញ្ជើញចូលរួមពីតំណាងអង្គភាពពាក់ព័ន្ធ និងលោក លោកស្រី មន្ទីរ-អង្គភាពទាំង ២៥ រាជធានី-ខេត្ត តាមរយៈប្រព័ន្ធបញ្ជូន រូបភាព និងសម្លេង (ZOOM) ផងដែរ៕

បាត់ដំបង៖ នាព្រឹកថ្ងៃច័ន្ទ ១១កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦, លោក ប៉ោទ្រី ឌឿន ប្រធានមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមក្នុងពិធីប្រគល់ទទួល អំណោយ និងសម្ភារមួយចំនួន ប្រគល់ជូនកងកម្លាំងឈរជើងក្នុងភូមិសាសស្ត្រខេត្តបាត់ដំបង ក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាល នៃគណៈអភិបាលខេត្តបាត់ដំបង នៅបរិវេណសាលាខេត្តបាត់ដំបង។ ដែលប្រភពថវិកានេះ បានពីសប្បុរជន បងប្អូនប្រជាពលរដ្ឋ និងមន្ត្រីរាជការដែលបានចូលរួមបរិច្ចាគក្នុងព្រឹត្តិការណ៍សង្ក្រាន្តបាត់ដំបងឆ្នាំ២០២៦ និងព្រឹត្តិការណ៍រត់ដើម្បីក្តីស្រលាញ់ រត់ដើម្បីសប្បុរសធម៍ សម្រាប់ជាសារជូនពរ និងលើកទឹកចិត្តដល់កងកម្លាំងជួរមុខដែលកំពុងឈេជើងការពារបូរណភាពទឹកដីនៅតាមខ្សែបន្ទាត់ព្រំដែន៕

បាត់ដំបង៖ នាព្រឹកថ្ងៃអាទិត្យ ១០កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៦ ខែមេសា ឆ្នាំ២០២៦, លោក ព្រំឈឹម ធនុ អនុប្រធានមន្ទីរ ព្រមទាំងមន្ត្រីរាជការ នៃមន្ទីរសេដ្ឋកិច្ច និងហិរញ្ញវត្ថុខេត្ត បានចូលរួមក្នុងកម្មវិធីអបអរសាទរព្រឹត្តិការណ៍កីឡារត់ប្រណាំង រត់ដើម្បីក្ដីស្រឡាញ់ រត់ដើម្បីសប្បុរសធម៌ រត់ដើម្បីទេសចរណ៍ ក្រោមអធិបតីភាព ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង នៅបរិវេណវិមានឯករាជ្យ ក្រុងបាត់ដំបង។ ក្នុងព្រឹត្តិការណ៍កីឡារត់ប្រណាំងនេះដែរ មានអ្នកចូលរួមយ៉ាងច្រើនកុះករប្រកបដោយភាពអធិកអធមក្រោមស្នាមញញឹមរីករាយក្នុងស្មារតីសាមគ្គីជាតិខ្មែរ និងក្នុងគោលបំណង ដើម្បីកៀរគរធនធានជួយឧបត្ថម្ភគាំទ្រដល់កងកម្លាំងជួរមុខដែលកំពុងឈរជើងការពារបូរណភាពទឹកដីនៅតាមខ្សែបន្ទាត់ព្រំដែនកម្ពុជា-ថៃក្នុងភូមិសាស្រ្តខេត្តបាត់ដំបង ដោយមានអ្នកចូលរួមយ៉ាងច្រើនកុះករប្រកបដោយភាពអធិកអធមក្រោមស្នាមញញឹមរីករាយក្នុងស្មារតីសាមគ្គីជាតិខ្មែរផងដែរ៕